Եկեղեցիներ և վանքեր

Այս տարածաշրջանի հնագույն վանքերից են Դադիվանքն ու Ամարասը: Ամարասի վանքը հիմնադրվել է IV դարում, իսկ V դարում այս նույն տարածաշրջանում Հայոց այբուբենի ստեղծող Մեսրոպ Մաշտոցը հիմնել է նաև Լեռնային Ղարաբաղի առաջին դպրոցը: Հայկական ճարտարապետության մեկ այլ գեղեցիկ հուշարձաններից է 12-րդ դարի Գանձասարի վանքը, որի անվանումը բառացի նշանակում է «գանձ լեռ»: Առանձնահատուկ ուշադրության արժանի է նաև ավելի ուշ կառուցված (1868-1887), սակայն ոչ պակաս նրբագեղ Սուրբ Ամենափրկիչ Ղազանչեցոց առասպելական գեղեցիկ ձյունաճերմակ եկեղեցին:

Հունոտի կիրճ

Հունոտի կիրճը անասելի շքեղ վայրի բնության հրաշալիք է, որը շրջապատված է գեղատեսիլ լեռնային լանդշաֆտով: Կիրճի ներքևում հոսում է ջինջ սառնորակ լեռնային գետը, որտեղ Դուք նույնիսկ կարող եք լողալ: Ակտիվ զբոսաշրջության սիրահարները հաճախ վրաններ են խփում այստեղ՝ օրվա տարբեր ժամերին գեղեցիկ բնական տեսարաններով զմայլվելու համար:

Ջերմաջուր

Ջերմաջուրը բնական տաք աղբյուրներով հարուստ առողջարանային ավան է, որը գտնվում ծովի մակարդակից 2200-2400 մ բարձրության վրա: «Ջերմաջուր» անվանումը բառացի նշանակում է «տաք ջուր»:

Հովհանոց ջրվեժ

«Հովանոց» ջրվեժը Արցախի անսովոր, սակայն շատ հայտնի ու շքեղ բնական խորհրդանիշն է: Ջրվեժի անվանումը սերում է իր տեսքից. այն իսկապես նման է հովանոցի, որի վրայով շարունակաբար անձրևաջուր է հոսում:

Չինարի ծառ տնջրի

Ստեփանակերտից մոտ 37 կմ հեռավորության վրա, Սխտորաշեն գյուղի մոտ, կարող եք տեսնել մի յուրահատուկ հզոր չինարի ծառ, որը անվանվել է Տնջրի: Տնջրին ամենահին (2035 տարեկան) և ամենաբարձր (ավելի քան 54 մ) ծառն է ԱՊՀ-ում: Կանաչ հսկան ունի ահռելի փչակ, որի ներսում միաժամանակ կարող է տեղավորվել 100 մարդ, իսկ ծառի սաղարթի ստվերը կազմում է ավելի քան 1400 մ²։