Գանձեր ունեմ անտա՜կ, անծե՜ր,
Ես հարուստ եմ, ջա՜ն, ես հարուստ
Ծով բարություն, շընորհք ու սեր
Ճոխ պարգև եմ առել վերուստ։
Անհուն հանքը իմ գանձերի,
Սիրտս է առատ, լեն ու ազատ.
Ինչքան էլ որ բաշխեմ ձըրի—
Սերն անվերջ է, բարին՝ անհատ։
Երկյուղ չունեմ, ահ չունեմ ես
Գողից, չարից, չար փորձանքից,
Աշխարհքով մին՝ ահա էսպես
Շաղ եմ տալիս իմ բարձունքից։
Ես հարուստ եմ, ես բախտավոր
Իմ ծընընդյան պայծառ օրեն,
Էլ աշխարհ չեմ գալու հո նոր,
Իր տրվածն եմ տալիս իրեն։
Մենք այսօր գնացել ենք Էջմիածին քաղաք: Մենք կանգառներ արեցինք Սուրբ Հռիփսիմեում, Սուրբ Մարիանե խոնարհված եկեղեցում, Մայր աթոռում, Մայր աթոռի գանձարան-թանգարանում, Կոմիտասի արձանի մոտ և Սուրբ Շողակաթում: Ինձ ամենաշատը դուր եկավ Մայր աթոռի գանձարան-թանգարանը: Այնտեղ ես իմացա նոր և շատ հետաքրքիր փաստեր: Մարիանե եկեղեցու փլատակների մոտ մենք երգեցինք շարականեր, իսկ Կոմիտասի արձանի մոտ նրա երգերից մեկը: Գանձարան-թանգարանից հետո մենք պիցցա կերանք: Իմ օրը անցավ շատ լավ:
Համբարձումյան Անի🪶 