Լինում է, չի լինում, մի կին է լինում, ով մի հավ է ունենում։ Այս առանձնահատուկ հավն ամեն օր մի ձու էր ածում։ Կինը շատ գոհ էր այս ամենօրյա պարգևից, բայց մի օր սկսեց մտածել։ Նա մտածեց՝ արդյո՞ք հնարավոր է այնպես անել, որ հավը մեկի փոխարեն օրական երկու ձու ածի։
Այս մտքից դրդված՝ կինը մի ծրագիր հորինեց։ Նա որոշեց հավին սովորականից երկու անգամ ավելի գարի տալ՝ հուսալով, որ դա կստիպի նրան ավելի շատ ձու ածել։ Հաջորդ օրվանից սկսած՝ հավը ստացավ կրկնակի բաժին կեր։
Հավը մեծ հաճույքով ուտում էր հավելյալ գարին և սկսեց օրեցօր մեծանալ ու գիրանալ։ Նա ավելի առողջ ու գոհ տեսք ուներ։ Սակայն տեղի ունեցավ անսպասելին. հավը, որն արդեն չափազանց գեր էր ու հանդարտ, դադարեց ձու ածել։ Այդ օրվանից սկսած նա այլևս ոչ մի ձու չածեց։
Կինը զարմացած էր ու հուսահատված։ Նա ավելի շատ ձու էր ակնկալում, բայց արդյունքում ձեռնունայն մնաց։ Ավելին ունենալու նրա ցանկությունը հանգեցրեց նրան, որ նա կորցրեց իր ունեցածը։
Համբարձումյան Անի🪶 